第五場A
時：日
地：巴士站
人：秋、欣、凡
• 秋和欣在巴士站候車，期間因為秋的狼狽外形惹來很多人側目，使秋很尷尬。二人忙著用濕紙巾擦，但油跡實在不好擦掉。
秋：（尷尬小聲道）我係咪好樣衰呀？
欣：（笑說）咁你咁紅，做咩唔洗乾淨先走啫？
秋：片場忙呀，廢事阻住人做嘢啦。呀係喎……
• 秋拿出修的簽名相給欣，欣見到後很高興。
欣：嘩！嘩嘩！你真係幫我攞到呀？多謝你呀！如果張相Cut一半就Perfect喇！
秋：仲CUT一半？個簽名已經遮咗個樣喇喎。
• 照片上的簽名完全遮住了秋。
• 欣笑。
秋：其實有冇人話你鍾意埋啲星好奇怪？
欣：你指我鍾意你？
秋：唔係呀。咁佢都唔係你個年代嘅。
欣：吓？修哥喎，有冇人話你唔識貨？佢拍武俠片好搞笑架！
秋大惑不解，露出黑人問號表情。
欣：咁你有冇同修哥傾計呀？
秋：做佢替身實有同佢傾計架。
欣：佢份人點呀？係咪同上鏡一樣咁Nice架？
秋：（掩飾）Nice到爆啦直頭，好睇得起我添，教我幾多嘢呀。
• 欣忽然認真的凝視著秋，秋一愣。
欣：仇樂秋，你知唔知你真係好叻。（回復活潑）話唔定修哥第日睇得起你搵你同佢一齊拍戲添呀！一定會嘅！佢仲有冇同你講啲咩呀？
秋：都冇乜特別啦……
• 欣興奮的看著照片，陷入自己的想像中。
• 秋見女友如此興奮，雖想起被修奚落，但只好默默吞下。
• 車到，二人正想上車之際，巴士司機離開座位，放下輪椅通道給仇海凡下車。
#仇老爺爺 第一集 《老海鮮》
Search